بؤیوک بریتانییانین آوروپا بیرلییندن چیخماسی اونو سیاسته قاییتماغا مجبور ائتدی.

آخار. آذ خبر وئریر کی، بونو ژورنالیستلره آچیقلاماسیندا بریتانییانین کئچمیش باش ناظری تونی بلر سؤیله‌ییب. او، بریتانییانین آوروپا بیرلییندن چیخیشینین چوخ چتین اولاجاغینی بیلدیریب:

«من اؤلکه‌مین بئله بیر تاریخ آن یاشادیغی مقامدا کناردا اوتورا بیلمره‌م. بو، هم ده منیم اؤلکه‌مله باغلی ناراحات اولماماغیم دئمک اولاردی. من ناراحاتام».

قید ائدک کی، بر بوندان اؤنجه بریتانییالیلاری برکسیتین علیهینه چیخماغا سسلمیشدی.

بلر ۱۹۹۷-۲۰۰۷-جی ایللرده حاکمیت‌ده اولوب. او، افغانیستان و عراق محاربه‌لرینین گئرچکلشدیریلمه‌سینده، عراق پرزیدنتی صدام حسینین اعدامیندا آمریکا پرزیدنتی جورج بوش قدر تأثیری اولان شخص‌دیر.