روسییا اسدین حاکمیتدن اوزاقلاشدیریلماسیندان بؤیوک فایدا گؤتورمک اوچون واخت اودماغا چالیشیر.

آخار. آذ خبر وئریر کی، بونو سی ان ان-ه آچیقلاماسیندا لیوانلی سیاسی آنالیتیک جری ماهر سؤیله‌ییب. او، اسددن ایمتینانین یالنیز قطردن آوروپایا چکیلمه‌سی پلانلاشدیریلان گاز کمری لاییحه‌سینین لغویندن سونرا باش توتا بیلجیینی سؤیله‌ییب:

«مسکوا قطردن آوروپایا گئدن گاز کمری لاییحه‌سینین لغوی ایله یاناشی، اؤزونون حربی بازالارینین یاخین شرقده یئرلشدیریلمه‌سینه ضمانت آلدیقدان سونرا اسدین حاکمیتدن گئتمه پروسسینی سرعتلندیره‌جک. روسییا بو کمری اؤز میللی تهلوکسیزلیگی اوچون تهدید ساییر. روسییا سورییادا، عمومیتله، ماراقلی دئییل. سورییا یالنیز حربی-دنیز و حربی هاوا بازالارینین یئرلشدیریلمسی اوچون یاخشی یئردیر. روسییا سورییادا نه اسدی، نه ده هانسیسا سیستمی قورویور. مسکوا سورییادا یالنیز اؤز ماراقلارینی مدافعه ائدیر. کرمل اؤزونه صرف ائد‌نی گؤتوروب، تئزلیکله، اسد، حزب الله و ایراندان جانینی قورتارماق ایستییر».