ایراندا سچکیقاباغی تله دبات زامانی حاضیرکی پرزیدنت حسن روحانینین اساس رقیبلری اونون سیاستینی تنقید ائدیب.

آخار. آذ خبر وئریر کی، رقیبلری روحانینی نووه راضیلاشماسینین ایمضالانماسین‌ندان سونرا اؤلکه‌ده‌کی اقتصادی وضعیتی یاخشیلاشدیرماماق‌دا سوچلاییبلار. روحانینین ان جدی رقیبی ایبراهیم ریسی روحانینین ایمضا آتدیغی نووه راضیلاشماسینین ایرانلیلارین حیاتینا مثبت تأثیر ائتمدیینی بیلدیریب:

«بو مقاویله ایرانا وئریلمیش چک‌دیر. حکومت اونو نقد پولا چئویره بیلمیر. روحانی حکومتی نووه دانیشیقلاریندا اؤزونو چوخ ضعیف گؤستردی».

تهران مئری باقر قالیباف دا روحانینی هدف سئچیب: «ایرانلیلار نووه راضیلاشماسین‌دان خییر گؤتورمه‌دیلر. حسن روحانی اؤز اؤلکه‌سینین رئسورسلاریندان چوخ خاریجی اینوستسییالارا گوونیر. آنجاق من ده نووه راضیلاشماسینا صادق قالاجاغام».

روحانی ایسه اونلارا جاوابیندا نووه راضیلاشماسینین تهران اوچون مهم مقاویله اولدوغونو بیلدیریب:

«اگر نووه راضیلاشماسینین قبول ائدیلن اولدوغونو دئییردینیزسه، او زامان نیه تهران‌دا بونون علیهینه بیلبوردلار آسمیشدینیز؟ سیز نیه دانیشیق آپارانلاری تحقیر ائدیردینیز؟»

روحانی همچینین ایسلام اینقیلابی کئشیکچیلری کورپوسونو دا تنقید ائدیب. او، سپاه-این آنتی‌یسرایل شعارلاری ایله راکت سیناقلاری کئچیرمه‌سینین دوغرو اولمادیغینی بیلدیریب.