فرانسادا کئچیریلن پرزیدنت سئچکیلریندن سونرا «ایر‌لی» حرکاتینین لیدری، نامیزد امانوئل ماکرونون آخشام ساعتلاریندا چیخیش ائدجیی میداندان شوبهلی چانتا تاپیلیب.

مساوات. کوم-اون معلوماتینا گؤره، اراضی درحال پلیس طرفیندن بوشالدیلیب. چانتانین ماکرونون آخشامکی چیخیشینی ایزله‌یه‌جک اولان مدیا ایشچیلرینین چادیرینین یانیندان تعلیملی ایت طرفیندن تاپیلدیغی قید ائدیلیب. توریستلره و شهر ساکینلرینه اراضی‌دن اوزاق دورماق توصیه ائدیلیب.

قید ائدک کی، فرانسادا سون ایکی ایلده حیاتا کئچیریلن ترورلار نتیجه‌سینده ۲۳۰-دان چوخ اینسان حیاتینی ایتیریب و اؤلکه‌ده اعلان اولونان فؤق العاده حال وضعیتی داوام ائدیر. سئچکیلرده ۵۰ مین تهلوکسیزلیک ایشچیسی آساییشی قورویور.

خاطیرلاداق کی، بو گون فرانسادا کئچیریلن پرزیدنت سئچکیلرینده ایلک توردان قالیب چیخان ایکی نامیزد - «ایر‌لی» حرکاتینین لیدری امانوئل ماکرون و رادیکال ساغچی مارین لو پئن پرزیدنت‌لیک اوغروندا مباریزه آپاریر.