اوچ آیدیر معاش آلا بیلمه‌مه‌لری مغان آقروصنایع (کشت صنعت) شیرکتینین ایشچیلرینین صبرینی داشیریب.

آخار. آذ ایران مدیاسینا ایستینادلا خبر وئریر کی، مایین ۷-ده مغان آقروصنایع شیرکتینین ۳۰۰-دن چوخ ایشچی‌سی شیرکتین اؤنونده اعتراض آکسییاسی کئچیره‌رک گئجیکمیش امک حاقی، هابئله علاوه ایش ساعتی معاشلارینی طلب ائدیبلر.

«ایشچیلرین اکثریتی کیرایه ائولرده یاشاییر، اونلارین درسه گئدن اوشاقلاری وار. آغیر اقتصادی وضعیت‌دن دولایی مغان آقروصنایع شیرکتی ایشچیلرین معاشینی ۳ آیدیر اؤد‌یه بیلمیر. بیز بو وضعیته دفعه‌لرله اعتراض ائتمیشیک، لاکین هئچ بیر نتیجه یوخدور»، - دئیه اعتراضچیلار بیلدیریب.

شیرکتین مرکزی اوفیسینین قارشی‌سین‌دا کئچیریلن آکسییا شهر رهبرلیینین دقتینی چکیب. معلوماتا گؤره، پارس آباد شهر فرمانداری (ایجرا باش‌چی‌سی)، شهر پروکورورو و پلیس ریسی اعتراضچیلارین توپلاشدیغی یئره گلیب، اونلارلا صحبت ائدیبلر.

بو، سون بیر ایل عرضین‌ده سؤزوگئدن شیرکتین ایشچیلرینین ۳-جو اعتراض آکسییاسیدیر.