تبریزین «تراکتور» فوتبول کلوبو اؤز طرفدارلارینا، خصوصیله ده قاشقای تورکلرینه مراجعت عنوانلاییب.

آخار. آذ خبر وئریر کی، مراجعت‌ده قارشی‌داکی گونلرده خرمشهرده کئچیریله‌جک «تراکتور» – «نفت» اویونوندا آزارکشلردن آکتیو اولمالاری خواهیش ائدیلیب.

«ایران کوبوکو یاریشلاری سون مرحله‌سینده‌دیر. بو چرچیوه‌ده مایین ۱۱-ده خرمشهرده کئچیریله‌جک گؤروشده آذربایجان فوتبولونون تمثیل‌چیسی «تراکتور» تهرانین «نفت» کومانداسی ایله اوز-اوزه گله‌جک. اؤتن سوپر لیقا یاریشلاریندا بیر چوخ پروبلمله اوزلشن «تراکتور» سوندا اوچونجو اولدو. اؤلکه کوبوکوندا ایسه قالیب اولماغا ساده‌جه بیر آددیم قالیب. «تراکتور» طرفدارلاری ثبوت ائدیبلر کی، ایسته‌نیلن زامان کوماندالارینی دستکله‌ییب، «یئل یاتار، توفان یاتار – یاتماز تراکتور بایراغی» شعارینا عمل ائد‌رک، دوغما کوماندانی هئچ بیر ایستادیوندا تک بوراخماییبلار. بو دفعه ایسه «تراکتور» طرفدارلاری ایرانین جنوب بؤلگه‌سین‌ده «یاشاسین آذربایجان» شعاری سسلندیره‌جکلر.

شوبهه‌سیز کی، «تراکتور»اون ایرانین هر یئرینده طرفداری وار. قاشقای تورکلری و آذربایجاندا یاشایان کوماندا طرفدارلاریندان خرمشهرده کئچیریله‌جک گؤروشده تاماشاچی قیسمینده آکتیو ایشتیراک ائد‌جکلرینی گؤزلییریک»، - دئیه کلوبون مراجعتینده بیلدیریلیب.