بو گون فرانسانین یئنی سچیلمیش پرزیدنتی امانوئل ماکرون یلیسی سارایینین آچارلارینی تحویل آلیب.

آخار. آذ خبر وئریر کی، ۵-جی رسپوبلیکانین عنعنه‌لرینه اویغون اولاراق یئنی سئچیلمیش پرزیدنت امانوئل ماکرون پاریس واختی ایله ساعت ۱۰-دا یلیسی سارایینین پررونوندا فرانسوا اوللاند طرفیندن قارشیلانیب.

فرانسوا اوللاند پرزیدنت کابینتینده باغلی قاپی آرخاسیندا امانوئل ماکرونو دؤولت سیرلری ایله باغلی معلوماتلاندیردیقدان سونرا حساس سندلرین تحویل-تسلیمی اولاجاق. یئنی پرزیدنته نووه سلاحینین کدو وئریله‌جک.

بوندان سونرا یئنی سچیلمیش پرزیدنت سلفینی یلیسی سارایینین پرونونا قدر مشاییت ائد‌رک یولا سالاجاق.

وترانلار میدانیندا یئرلشن اوردو موزیینین قارشیسین‌دا یئنی پرزیدنتین شرفینه توپلاردان ۲۱ یایلیم آتشی آچیلاجاق.

گونورتا امانوئل ماکرون یئنیدن یلیسی سارایینا قاییداجاق. ظفر تاغی قارشیسین‌دا نامعلوم عسگرین خاطره‌سی یاد ائدیله‌جک.

آخشام ساعت ۱۷:۰۰-دا پرزیدنت امانوئل ماکرون پاریس مئرییاسینا گله‌جک و شهر مئری ایله گؤروشه‌جک.

مایین ۱۵-ده باش ناظری تعیین ائتدیک‌دن سونرا فرانسانین یئنی پرزیدنتی آلمانییایا آنگلا مرکلله گؤروشه یولا دوشه‌جک.