کیوده کئچیریلن "آوروویزییا" مسابیقه‌سینین فینالیندا اؤتن ایلکی یاریشین غالیبی، اوکراینا تمثیلچی‌سی جامالانین ایفاسی زامانی صحنه‌یه چیخاراق، روسوایچی حرکت ائد‌ن اوکراینالی کئچمیش ژورنالیست ویتالی سئدیوکلا باغلی یئنی معلومات یاییلیب.

آخار. آذ خبر وئریر کی، بیر چوخ قالماقاللی حرکتلری ایله هر زامان گون‌ده‌م‌ده اولماغا چالیشان سئدیوک اؤتن گون ائتدیی حرکته گؤره ۵ ایلدک حبس ائدیله بیلر.

بو باره‌ده دانیشان اوکراینا داخیلی ایشلر ناظری سرگی آواکوو ژورنالیستین دلدوزلوق ماده‌سی ایله حبس ائدیلدیینی، همچینین پلیسه مقاومت گؤستردیینی، اونون تالعینه بو گون کئچیریلجک محکمه‌نین قرار وئرجیینی دئییب.

قید ائدک کی، اؤتن گون جامالانین ایفاسی زامانی صحنه‌یه چیخان سئدیوک سویونوب و اخلاقسیز حرکت ائدیب.