اوزاق شرقده‌کی راکتدن مدافعه سیستملریمیزی حاضر وضعیته گتیرمیشیک.

آخار. آذ خبر وئریر کی، بو سؤزلری روسییا فدراسییا شوراسینین مدافعه و تهلوکسیزلیک کومیته‌سینین رهبری ویکتور اوزئروو شیمالی کورئیا طرفیندن اؤلکه سرحدینه آتیلان راکتله باغلی ریا-یا آچیقلاماسین‌دا دئییب.

«روسییانین بو آتیشلارین هدفینده اولمادیغینی بیلیریک. لاکین ایسته‌نیلن تهدیده قارشی اؤزوموزو قورویوروق»، - روسییا رسمی‌سی بیلدیریب.

خاطیرلاداق کی، کورئیانین آتدیغی باللیستیک راکتین بوراخیلدیغی یئردن یاپون دنیزینه دوغرو ۸۰۰ کم اوچدوغو، کورئیا یاریماداسیندان ۴۰۰ کم مسافه‌ده یاپون دنیزینه دوشدویو قید ائدیلیب. پئنتاگن ایسه روسییا ایله سرحده ۵۰۰ کم قالمیش یئره دوشن راکتین یاپونییادان داها چوخ، روسییایا یاخین اولدوغونو بیلدیریب. ادعایا گؤره، بو، روسییایا قارشی تهدیددیر.

روسییا مدافعه ناظرلیگی حاضردا اوزاق شرق‌ده‌کی بوتون هاوا هجومون‌دان مدافعه سیستملرینین آکتیو دؤیوش حاضیرلیغیندا و تام گوجو ایله نؤوبه چکدیینی بیلدیریب.