شیمالی کورئیا اورتا منزیللی راکئتین اوغورلو سیناغینی کئچیریب.

آخار. آذ ببج-یه ایستینادلا خبر وئریر کی، بو حاقدا کورئیا خالق دموکراتیک رسپوبلیکاسینین رسمی معلوماتیندا دئییلیر. خبرده بیلدیریلیر کی، راکتین بؤیوک کوتله‌یه مالیک نووه باشلیغینی داشیماق ایمکانلاری سیناقدان کئچیریلیب.

رسمی آچیقلامادا همچینین قونشولارا تهلوکه یاراتماماسی اوچون اورتا منزیللی راکتین کسکین بوجاق آلتیندا بوراخیلدیغی دا قید ائدیلیب. «راکت ۲۱۱۱ متر یوکسک‌لییه قالخیب و ۷۸۷ کم اوچوب»، - خبرده وورغولانیر.

قید ائدک کی، «خواسون-۱۲» آدلی راکتین بازار گونو یئرلی واختلا ۰۴:۲۸-ده بوراخیلدیغی حاقدا معلومات یاییلمیشدی. سی ان ان راکتین ولادیواستوکون ۱۰۰ کم یاخینلیغیندا یئره دوشدویو باره‌ده خبر یاییب.

پنتاگن بو سیناغین یاپونییادان داها چوخ، روسییایا تهدید یاراتدیغینی آچیقلاییب.

روسییا مدافعه ناظرلیگی ایسه راکتین سرحددن ۵۰۰ کم کناردا یاپون دنیزینه دوشدویونو، روسییا اوچون هئچ بیر تهدید یاراتمادیغینی، بونا باخمایاراق، اوزاق شرقده هاوا هجوموندان مدافعه قوه‌لرینین تام دؤیوش حاضیرلیغین‌دا نؤوبه چکدیینی آچیقلاییب.