ایران پرزیدنتی حسن روحانی نؤوبتی پرزیدنت سئچکیلرینین تبلیغات-تشویقات کامپانییاسی چرچیوه‌سین‌ده اؤتن گون گونئی آذربایجانین تبریز شهرینه سفر ائدیب.

آخار. آذ خبر وئریر کی، او، سفر زامانی آذربایجانلیلارین میلی شعارلاری ایله قارشیلاشیب. سویداشلاریمیز روحانینین «پورشریفی» سالونوندا چیخیشی زامانی اونا ۴ ایل اؤنجه وئردیی وعدلرین یئرینه یئتیریلمدیینی خاطیرلاداراق، جاوابدهلیک داشیدیغینی وورغولاییبلار.

روحانی «آذربایجان وار اولسون – ایسته‌مه‌ین کور اولسون»، «تورک دیلین‌ده مدره‌سه - اولمالی‌دیر هر کسه»، «هارای، هارای، من تورکه‌م» و س. کیمی شعارلارین قارشی‌سیندا «تورکجه دیل دئییل، بیر گوجلو روحییه‌دیر» دئیه‌رک اؤز چیخیشینی داوام ائتدیریب.

روحانی اؤز چیخیشیندا اورمییه گؤلو ایله باغلی وئریلن وعدین یئرینه یئتیریلدیینه ایشاره ائد‌رک بیلدیریب کی، اگر بو بحرانلا باغلی تدبیر آلینماسایدی، بو گون شرقی و غربی آذربایجان تام باشقا وضعیت‌ده اولاردی، گؤل قورویاردی و دوز فیرتیناسی هر یئری بورویردی.