روسییا اؤز وطنداشلارینی گورجستانا گئتمکدن چکینمه‌یه چاغیریب.

آخار. آb خبر وئریر کی، بو باره‌ده اینفورماسییانی روسییا خاریجی ایشلر ناظرلیگی یاییب.

«گورجستان حاکمیتینین لوژکووو آبخازییا و جنوبی اوستییایا سفر ائتدیینه گؤره آرزو اولونمایان شخص سیاهی‌سینا علاوه ائتمه‌سی حاقیندا بیاناتینا دقت یئتیردیک. روسییا خاریجی ایشلر ناظرلیگی بیر داها وطنداشلارینین دقتینه گورجوستانا سفرلرین ریسکلی اولماسینی چاتدیریر»، – دئیه بیاناتدا بیلدیریلیب.

قید ائدک کی، تیفلیس مسکوانین کئچمیش مئری (شهرداری) یوری لوژکووو قارا سیاهی‌سینا سالیب.

روسییانین فعالیتی نتیجه‌سینده گورجستان اراضی‌سین‌ده آبخازییا و جنوبی اوستییا کیمی مناقیشه زونالاری یارادیب. مسکوا هر ایکی قوندارما رئسپوبلیکانی تانیییب و بو اراضیلرده اؤز اوردولارینی یئرلشدیریب.