آمریکا پرزیدنتی دونالد ترامپ سعودییه عربیستانینا سفری زامانی «ایسلام ناتو-سو»نون یارادیلدیغینی اعلان ائد‌جک.

آخار. آذ خبر وئریر کی، بو باره‌ده اینفورماسییانی ایسرایل کشفیاتینا یاخینلیغی ایله سئچیله‌ن «دبکا» اینفورماسییا پورتالی یاییب. سایت الریاضین ترامپین سفرینه خصوصی اؤنم وئردیینی آچیقلاییب:

«حاضردا ایرانین باشی پرزیدنت سئچکی‌سینه قاریشیب. تهران الریاضدا گئرچکلشه‌جک آمئریکا-ایسلام توپلانتی‌سینی ناراحاتلیقلا ایزلییر. اونا گؤره کی، قورولماسی پلانلاش‌دیریلان عرب-ایسلام اوردوسونون مقصدی ایشید-له مباریزه اولمایاجاق. بو اوردو داها چوخ ایران، راق، سورییا و لیوان حزبوللاهینا قارشی مباریزه آپاراجاق. «عرب ناتو-سو» آمریکا طرفیندن اؤزللیکله یاخین شرق‌ده‌کی بحرانلارلا مجادیله اوچون یارادیلیر. بو اوردو آمریکا و ایسرایلدن ده گئنیش دستک آلاجاق».

قید ائدک کی، ترامپ یاخین زامانلاردا ایلک خاریجی سفرینه ایستارت وره‌جک. او، ایلک اولاراق سعودییه عربیستانینا گله‌جک و بورادا فارس کؤرفزینین عرب اؤلکه‌لری ایله گؤروشه‌جک. الریاددا همچینین عرب-ایسلام سامیتی کئچیریله‌جک. گؤروشه آذربایجان و تورکییه ده داخیل اولماقلا، ۱۸ اؤلکه قاتیلاجاق.

ایران سامیته دعوت ائدیلمه‌ییب.