صربییا ۱۹۹۵-جی ایلده صربرنیتسادا مسلمانلارا قارشی تشکیل ائدیله‌ن سویقیریمی تانیمالیدیر.

آخار. آذ خبر وئریر کی، بو باره‌ده بیاناتی آوروپا شوراسینین راسیزمله مباریزه کمیسییاسی یاییب.

«سربییا پارلامنتی و پرزیدنتی باش وئره‌نلره گؤره عذر ایسته‌ییب. لاکین بلگراد هله ده ۱۹۹۵-جی ایلده باش وئرن سویقیریمی تام شکیلده تانیماییب. بیز همچینین سویقیریمدا ایشتیراک ائد‌نلرین مسئولیته جلب ائدیلمه‌سینده‌کی ضعیف اینکیشافدان دا ناراحاتیق»، – دئیه بیاناتدا بیلدیریلیب.

قید ائدک کی، ۱۹۹۵-جی ایلده بوسنییا و هرزوگووینانین سربرنیتسا شهرینده صربلر مسلمان بوشناکلارا قارشی سویقیریم تؤردیبلر. سویقیریم زامانی ۸ مین اینسان هلاک اولوب.