۲۰:۵۹

آمریکا پرزیدنتی دونالد ترامپ آغ ائوده تورکییه‌لی همکاری رجب طایییب اردوغانلا گؤروشوب.

آخار. آذ خبر وئریر کی، آغ ائو رهبری اردوغانی گؤروشون کئچیریلجیی سالنون اؤنونده قارشیلاییب.

گؤروشدن اؤنجه طرفلر مطبوعاتا آچیقلامالار وئریب.

ترامپ اردوغانلا کونکرت نتیجه‌لر اوزرینده مذاکیره آپاراجاغینی و داها سونرا ظیافت وئریلجیینی بیلدیریب.

قید ائدک کی، گؤروشون ۲۰ دقیقه داوام ائدجیی گؤزلنیلیر.

***

ترامپ و اردوغان گؤروشدن سونرا اورتاق مطبوعات کنفرانسی کئچیریب.

تورک لیدر بو سفرین دؤنوش نقطه‌سی اولاجاغینی بیلدیریب:

"حؤرمتلی ترامپی الده ائتدیی ظفردن دولایی بیر داها تبریک ائدیره‌م. ایستراتژی متفیقلیک سوییه‌سینده‌کی علاقه‌لری مذاکیره ائتدیک. آرامیزداکی علاقه‌لرین گوجلو اولماسی گلوبال صولح و ثابت‌لیک اوچون اؤنملی‌دیر. بو سفریمیز تاریخی دؤنوش نقطه‌سی اولاجاق. ی پ گ-نین متفیق سئچیلمه‌سی قطعیا اویغون دئییل. فئتؤ شبکه‌سی ایله باغلی گؤزلنتیلریمیزی جناب پرزیدنته آچیق شکیلده بیلدیرجیم. رگیونوموزون گلجیین‌ده ترور قروپلاشمالارینا یئر یوخدور".

ترامپ دا اؤز نؤوبه‌سینده اردوغانین سفریندن ممنون اولدوغونو دئییب:

"تورک و آمریکا خالقی متفیق‌دیر. تورک عسگرلری کوریادا آمریکا عسگرلری ایله چیین-چیینه ووروشوب. بونلاری اونوتمایاجاغیق. بو جسارتلری بیزیم عسگرلرین ده اونوتمادیغی آنلاردان بیریدیر. بو گون ترورلا مباریزه‌ده یئنی دوشمنیمیز وار. بو مباریزه‌ده بیرلیکده ایشله‌مک ایستییریک و تورکییه‌نی ترورلا موباریزه‌ده دستکلییریک».