ترامپلا گؤروش زامانی اردوغان طلبلری یئرینه یئتیریلن سئوینجلی بیر سیاستچی حسی یاراتمادی. ترامپین هر شئیدن اؤنجه آمریکا-تورکییه آراسینداکی اتفاق عهدهلیکلرینی اؤن پلانا چیخارماق ایستدیی، آنجاق بونون اوچون ۲۰ دقیقهنین کیفایت اولمادیغی هیس ائدیلیر.
آخار. آذ خبر وئریر کی، بو سؤزلری روسییا علملر آکادمییاسینین عضوو ویکتور نادین-رایوسکی بیلدیریب.
رایوسکی اردوغانین واشینگتن سفرینین تورکییه اوچون تاریخی اهمیته مالیک اولدوغونو، آنکارانین ۱۵ ایول دؤولت چئوریلیشینه جهدین بیر نمرهلی متهمی فتوللاه گولنین قایتاریلماسی و تورکییهنین ترور تشکیلاتی اولاراق قبول ائتدیی ی پ گ-یه سلاح دستیی مسئلهلرینده آمریکانین گذشتینه ایناندیغینی بیلدیریب.
روسییالی اکسرت آمریکانین اؤز قانونلارینی هر هانسی بیر فورمادا پوزمایان گولهنین قایتاریلماسی مسئلهسینده تورکییهنین طلبینی قارشیلاماغا حاضر اولمادیغینی قید ائدیب.
گؤروشون اوغورسوز اولاراق قیمتلندیریلمهسینین ده یانلیش اولدوغونو دئین رایوسکی بیلدیریب: "تورکلرین سورییا و گولنله باغلی باشلیجا طلبلرینین یئرینه یئتیریلمه مسئلهسی معمالی قالسا دا، واشینگتن ایله آنکارا آراسیندا حربی علاقهلرین اؤلچوسو اوولکینه نیسبتا داها دا اینکیشاف ائتمیش کیمی گؤرونور".