آکادمیک میللی درام تئاترینین کیچیک صحنه‌سینده یازیچی کمال عبداللهنین «بیر، ایکی – بیزیمکی!» تاماشاسی تقدیم اولوناجاق.

تئاترین مطبوعات کاتیبی جاوید زیناللینین ترند-ا وئردیی معلوماتا گؤره، تاماشا مایین ۱۹-دا ساعت ۱۵:۰۰-دا نماییش اولوناجاق.

صحنه اثرینین قورولوشچو رژیسسورو دؤولت مدنیت و اینجه صنعت اونیورسیتینین رژیسورلوق فاکولته‌سینین ماگیسترانتی بانو قولیئوا، یارادیجی ایش رهبری صنعت شناس‌لیق اوزره فلسفه دوکتورو، داسنت ملیکه ممدووادیر.

تاماشادا آکتیورلار ووسال خالیق وغلو و رادا نصیبووا چیخیش ائد‌جکلر. صحنه اثری قادین و کیشینین کئچمیشی، خاطره‌لری اوزرینده قورولوب.

ایکی نفرلیک اویون اونلارین ابدی راحتلیق تاپماق آرزوسونو تجسم ائتدیریر. بئش شکیلدن عبارت اثری کمال عبدالله «بیر-بیرینی آنلاماق ایسته‌ین و آنلامایان، تاپماق ایسته‌ین و تاپمایان ایکی نفرین دویوملار درامی» شکلینده تقدیم ائدیب.