دونالد ترامپین سئچکیقاباغی تشویقات کامپانییاسینین امکداشلاری، ائلجه ده مایکل فلین و دیگر مشاویرلر روسییا مأمورلاری، کرملله علاقهلی اولان شخصلرله کونتاکتدا اولوبلار.
آخار. آذ خبر وئریر کی، بو بارهده اینفورماسییانی «رؤیتر» یاییب. ادعایا گؤره، پرزیدنت سئچکیسینه قدر اولان ۷ آی عرضینده ترامپین سئچکی قرارگاهینین نمایندهلری، تلفون زنگلری و الکترون مکتوبلار دا داخیل اولماقلا، روسییا ایله ۱۸ دفعه علاقه ساخلاییبلار. بو کونتاکتلاردان ۶-سی روسییا سفیری سرگی کیسلیاکلا ترامپین مشاویری مایکل فلین آراسیندا گئرچکلشیب.
دونالد ترامپ قرارگاهینین امکداشلاری همچینین «اوکراینانین سئچیمی» حرکاتینین لیدری ویکتور مدوئدچوکلا دا (روسییا پرزیدنتی ولادیمیر پوتین مدوئدچوکون قیزی داریانین خاچ آتاسیدیر – رئد.) علاقهیه گیریبلر. هلهلیک مدوئدچوکلا ترامپین قرارگاهی آراسیندا علاقهنین نه زامان اولدوغو دقیق بیلینمیر. بیلینن اساس مسئله اونلار آراسیندا آمریکا-روسییا امکداشلیغینین مذاکیره ائدیلمهسیدیر.
مدوئدچوک ترامپین قرارگاهی ایله هانسیسا علاقهسینین اولماسینی آرتیق اینکار ائدیب. «رؤیتر»ا گؤندردیی الکترون مکتوبدا او، ترامپین یاخین اطرافیندان هئچ کیمله تانیش اولمادیغینی بیلدیریب.
آگئنتلیک همچینین مدوئدچوک و روسییا سفیریندن باشقا ترامپین قرارگاهی ایله علاقهده اولان دیگر روسییا نمایندهلرین آدی، ائلجه ده ترامپین مشاویرلرینین آدلارینین گیزلی ساخلانیلدیغینی وورغولاییب. آگئنتلیین منبعلری بو علاقهلرده اؤلکهیه زیان وئرجک هئچ بیر شئیه راست گلینمدیینی ده بیلدیریبلر.