09:09

حاضیرکی پرزیدنت حسن روحانی سئچکیلرده لیدرلیک ائدیر.

داخلی ایشلر ناظیرلیینین سئچکیلرله باغلی قرارگاهینین رهبری علی عسگر احمدینین وئردیی معلوماتا گؤره، ایندییه قدر ۲۵،۹ میلیون سئچیجی سسی حسابلانیب:

ساییلان سسلرین سایی: ۲۵.۹۶۶.۷۲۸

دوزگون سسلرین سایی: ۲۵.۱۸۲.۳۱۰

حسن روحانی: ۱۴.۶۱۸.۸۴۱

ایبراهیم رئیسی: ۱۰.۱۲۵.۸۵۵

مصطفی آغا میرسلیم: ۲۹۷.۲۷۶

هاشمی طبا: ۱۳۹.۳۳۱

***

حسن روحانی ایران‌داکی پرزیدنت سئچکیسینین غالیبی‌دیر.

بونو ژورنالیستلره آچیقلاماسیندا ایرانین داخیلی ایشلر ناظیرلیینین سئچکیلره نظارت قورومونون رهبری علی عسگر احمدی سؤیله‌ییب.

او، سئچکی‌ده وئریلن ۴۰،۷۰۶ میلیون سس‌دن ۳۸،۹۱۸ میلیونونون کئچرلی اولدوغونو بیلدیریب.

احمدی سون حسابلامالارا اساساً، روحانینین ۲۲،۷۹۶ مین، ایبراهیم رئیسینین ۱۵،۴۵۲ میلیون، مصطفی میرسلیمین ۴۵۵ مین، مصطفی هاشمی طبانین ۲۱۰ مین سس توپلادیغینی سؤیله‌ییب.