آمریکا پرزیدنتی دونالد ترامپ سعودییه عربیستانینین پایتختی الریاضدا عرب و مسلمان لیدرلرینین اکسترمیزم علیهینه سامیتینده مسلمان دونیاسینی تروریزمه قارشی بیرلییه چاغیریب.

آخار. آذ خبر وئریر کی، ترامپ آمریکانین اکسترمیزمین کؤکونون کسیلمسی کیمی بیر مقصد اطرافیندا بیرلشن اؤلکه‌لرین کوالیسییاسینی یاراتماغا چالیشدیغینی دئییب:

"بو، مختلیف دینلر، مذهبلر و سیویلیزییالار آراسیندا مباریزه دئییل. بو، اینسان حیاتینی محو ائتمک ایسته‌ین وحشی کریمیناللار و اونو قوروماغا چالیشان بوتون دینلره منصوب اینسانلار آراسیندا بیر مباریزه‌دیر. آمئریکا سوورن بیر اؤلکه‌دیر و بیزیم بیر نمره‌لی پریوریتتیمیز وطنداشلاریمیزین تهلوکسیزلیگیدیر. بیز محاضیره اوخوماق، باشقالارینا نئجه یاشامالی، نه ائتمه‌لی اولدوقلارینی، نیه عبادت ائتملی اولدوقلارینی دئمک اوچون بورادا دئیی‌لیک. بونون اوزینه، داها یاخشی گله‌جک نامینه بؤلوشدویوموز بیرگه ماراقلار و دیرلره اساس‌لانان طرفداشلیق اوچون بوراداییق. هر دفعه بیر ترورچو گناسیز اینسانی اؤلدورنده و یالاندان اللهین آدینی چکنده، بو، هر بیر مؤمن اوچون تحقیر اولمالی‌دیر".

تروریزم بوتون دونیادا یاییلدیغینی دئین ترامپ صولحه آپاران یولون بورادا، بو قدیم و مقدس تورپاقدا باشلادیغینی بیلدیریب:

"آمریکا بیرگه ماراقلاریمیز و عمومی تهلوکسیزلیین تعمین ائدیلمه‌سینده سیزینله چیین-چیینه دایانماغا حاضردیر".