دونالد ترامپین سعودییه عربیستانینا سفرینین اساس مقصدی آمریکانین یاخین شرق سیاستینی طرفداش اؤلکه‌لرله مذاکیره ائتمک ایدی.

بو سؤزلری آخار. آذ-آ آچیقلاماسین‌دا آمریکا پرزیدنتینین سعودییه عربیستانینا سفرینی شرح ائد‌ن پولیتولوگ ایلقار ولیزاده دییب. اکسپرتین سؤزلرینه گؤره، ترامپین سعودییه‌یه سفری واشینگتنون یاخین شرق سیاستی اوزره یئنی ایستیقامتلری معین ائتمک باخیمیندان اؤنملی ایدی:

«بوتون حاللاردا پرسپکتیولر یئنه ده معمالی اولاراق قالیر. دوزدور، رگیون اؤلکه‌لری ایرانلا باغلی سرت آددیملار آتیلماسینین طرفداریدیرلار. آنجاق چوخ ماراقلی‌دیر کی، نووه سازیشینی هئچ کیم لغو ائتمک ایستمیر. حتی آمریکا بئله بونو ائتمه‌یه تلسمیر. اگر آمریکا اؤتن آیلار عرضین‌دا بونو ائتسیدی، روحانی چتین کی، پرزیدنت سئچیلردی. دوزدور، طرفلر ایرانا تضییق پروگرامینی حیاتا کئچیرمک ایستییرلر، آنجاق او بیری طرفدن ده باشا دوشونورلر کی، ایرانین ایندیکی رهبرلیگی عرب اؤلکه‌لری و آمریکا اوچون داها مقبولدور. اونا گؤره ده واشینگتن تضییق سیاستیندن بیر قدر چکیندی، چونکیی بو، دیگر دایره‌لرین خئیرینه اولاردی».

پولیتولوگ بیلدیریب کی، بئله بیر مورکب وضعیت‌ده آمریکانین یاخین شرق سیاستین‌ده بیرمه‌نالی آددیملاری گؤزله‌مک چتین‌دیر:

«واشینگتن و الریاض یئنی یاخین شرق سیاستینین یاخین زاماندا کنکرئت فایدا وئرمه‌سینه چالیشسا دا، یالنیز سورییادا ترورلا مباریزه‌ده، یاخود دا فیلیسطین-ایسرایل مناسیبتلرینده کنکرت ایرلیلییش گؤزله‌مک اولار. آمریکا طرفداشلاری ایسرایل، ایوردانییا و مصرین بو و یا دیگر شکیلده پروسسی سرعتلندیرمک ایسته‌مه‌سی مثبت حالدیر».