ایران پرزیدنتی حسن روحانی اؤزونون سئچکی قرارگاهینین عضولری ایله گؤروشه‌رک، کونستیتوسییایا نظارت شوراسینی اونون توپلادیغی سسلرین سایینین ۲۸ میلیونا قدر یوکسلمه‌سینه مانع اولماق‌دا گوناهلاندیریب.

آخار. آذ خبر وئریر کی، او، دؤرد میلیون سئچیجینین سسوئرمه‌یه قاتیلا بیلمه‌مه‌سین‌دن تأسف هیس‌سی کئچیردیینی سؤزلرینی علاوه ائدیب:

«تأسف کی، پرزیدنت سئچکی‌سین‌ده ۴ میلیون سئچیجی اؤز سسینی صاندیقلارا سالا بیلمه‌دی. سئچکیلرین ایجراییه هئیتی مایین ۱۹-او ساعت ۱۰:۳۰ راده‌لرین‌ده کونستیتوسییایا نظارت شوراسینا بئله بیر تکلیف ائتمیشدی کی، سئچیجیلرین اؤز میللی کارتلارینین نمره‌سی ایله سس وئره بیلمه‌سینه شرایط یارادیل‌سین و اونلارین علاوه سند تقدیم ائتمه‌سینه احتیاج قالماسین. لاکین شورا بو تکلیفله همین گون آخشام ساعت ۲۲:۳۰-دا راضیلاشدی و بونونلا دا سس وئرمه فورصتی الده‌ن گئتدیینه گؤره ساعتلارلا نؤوبه‌ده دایانان سئچیجیلرین چوخو اؤز سسلرینی ساندیقلارا سالا بیلمه‌دی. بئله‌لیکله ده تخمیناً ۴ میلیون یاریم سئچیجی سسوئرمه منطقه‌لرین‌ده یارانان سیخلیغا گؤره سس وئره بیلمه‌دی».

روحانی بیلدیریب کی، اگر بعضی قوه‌لرین سسوئرمه پروسسینده یاراتدیغی مختلیف مانعه‌لر اولماسایدی، اونون توپلادیغی سسلرین سایی ۲۴ میلیون یوخ، ۲۸ میلیونا قدر یوک‌سه‌له بیلردی.

خاطیرلاداق کی، ایرانین داخیلی ایشلر ناظری عبدولرضا رحمانی فضلی ژورنالیستلره آچیقلاماسیندا سون پرزیدنت سئچکی‌سین‌ده ۴ میلیون دئییل، ۱ میلیون نفرین سس وئره بیلمدیینی آچیقلاییب.