ناتو نه قدر گئج دئییل، بیزیمله مناسیبتلری قارشیدورما اوزرینده قورماقدان چکینمه‌لیدیر.

آخار. آذ خبر وئریر کی، بو باره‌ده بیاناتی روسییا خاریجی ایشلر ناظرلیگی یاییب.

«روسییا-ناتو مناسیبتلری سویوق محاربه‌نین بیتمه‌سیندن سونرا ان درین بحران وضعیتینده‌دیر. آلیانس بیرطرفلی قایدادا عمومی ماراقلاریمیز اوچون اولان بوتون لاییحه‌لری دوندوروب. سؤزده قیطعه‌ده‌کی آییریجی خطلرین لغوینین واجیب‌لیگی ایله راضیلاشان قرب اؤلکه‌لری قاپالی ناتو مرکزلی تهلوکسیزلیک قورولوشونون خیرینه سئچیم ائدیبلر. بو سیاستین داوامی - روسیانین قارشی‌سینین آلینماسی اوزون مودتلی حربی-سیاسی کورس اولوب. بونون بیرباشا نتیجه‌سی آورو-آتلانتیکادا مناقشه نین پوتنسیالینین آرتماسیدیر. آرتان نگاتیو تندنسییالار روسییانین سئچیمی دئییل. بو، بلوکون اوزون ایللردیر آپاردیغی دستروکتیو ختتین بیرباشا نتیجه‌سی‌دیر، هان‌سی کی، آوروپا و دونیا ایشلرین‌ده حربی-سیاسی دومینانتلیغین الده اولونماسینا یؤنلیب. نه قدر گئج دئییل، بیز آلیان‌سین اؤلکه‌میزله قارشیدورما دؤورونون مخانیزملری اوزرینده مناسیبتلری قورماق جهدلرینی دایاندیرماسینی ایستییریک»، – دئیه بیاناتدا بیلدیریلیب.