یوخاری

ملانییا ترامپ ۵۱ مین‌لیک پئنجه‌یه گؤره قیناندی - فوتو

آنا صحیفه پلانت
12 Punto 14 Punto 16 Punto 18 Punto

آمریکا پرزیدنتی دونالد ترامپی خاریجی اؤلکه سفرینده موشاییعت ائد‌ن حیات یولداشی ملانییا ترامپین گئییم سئچیملری هر زامان مذاکیره مؤوضوعسودور. اما اونون سون سفرلردن بیرین‌ده گئییندیی پئنجک جدی اعتراضلارا و پولمیکالارا سبب اولوب. دونالد ترامپ ایتالییانین سیجیلییا آداسینداکی تاورمینا قصبه‌سینده کئچیریلن گ۷ زیروسینه قاتیلاراق، همین تدبیرلر چرچیوه‌سینده ان چوخ دقت چکن شخص اولدو.

مساوات. جوم خبر وئریر کی، ملانییا ترامپین دونن کاتانیا شهرینده لیدر خانیملاری ایله تشکیل اولونان ناهار یئمیینده گئییندیی پئنجیین قیمتی ۵۱ مین ۵۰۰ دوللار اولوب. دولجه گاببانا فیرماسینین محصولو اولان بو پنجک جدی مذاکیره‌لره سبب اولوب. سوسیال مئدیادا بعضی ایستیفاده‌چیلر بو تعجبلرینی «بیر پنجک نئجه بو قدر باهالی اولا بیلر؟» سوالی ایله ایفاده ائدیبلر. آپ خبر آگنت‌لیگی ده بو پئنجیین قیمتینین اورتا ایستاتیستیک بیر آمئریکان عائله‌سینین ایللیک گلیرینه یاخین اولدوغونو یازیب.

بعضی سوسیال مئدیا ایستیفاده‌چیلری ایسه پئنجیین چوخ گؤزل اولدوغونو، ترامپ عائله‌سینین وارلیلیغینین دا بیر سیرر اولمادیغینی وورغولاییب. شرحلرده همچینین او دا وورغولانیب کی، سیجیلیادان ایلهام آلان دولجه گاببانانین محصوللارینین بیرینجی لیدی طرفیندن سیجیلییادا گئیینیلمه‌سی ده اولدوقجا یئرینده بیر ترجیح ساییلیر.

دیگر طرف‌دن، ایتالییانین لوکس مودا ائوی اولان دولجه گاببانایا دا جدی اعتراضلار وار. اعتراضچیلار ترامپین حیات یولداشینی گئییندیردیی اوچون مودا ائوینین بایکوت ائدیر، اونون باغلانماسی طلبینی سسلندیریر.

مودا ائوینین اورتاغی ایستفانو گاببانا ایسه بو تنقیدلره اینستاگرام حسابیندان ایرونیک بیر شکیلده جاواب وئریب: «نه قریبه‌دیر. دونن ده ۱۳.۷ میلیون تقیبچیمیز وار، بو گون ده. حالبوکی دونندن بری تعقیبی بوراخاجاقلاری ایله باغلی بیزی تهدید ائد‌نلرین سایی دا چوخ ایدی».

ایستفانو گاببانا ایسه ملانییا ترامپین اؤز حاضیرلادیغی پالتارلاری ایله چکدیردیی بیر چوخ شکلینی پایلاشاراق، بیرینجی لیدییه تشکور ائدیب. گاببانا، "مودا و سیاست بیر-بیرینه قاریشدیریلمامالیدیر» مئساژینی دا پایلاشدی.

خاطیرلاداق کی، داها اؤنجه‌دن بعضی مشهور موداچیلار سیاستینه قارشی چیخدیقلاری دونالد ترامپین حیات یولداشینی گئییندیرمه‌یه‌جکلرینی آچیقلامیشدی.

خاریجی اؤلکه سفرلری زامانی داها چوخ دولجه گاببانانین محصوللارینی گئیینه‌ن ملانیا ترامپ، ۲۴ مایدا واتیکاندا پاپا فرانچسکو ایله گؤروشمه‌لری زامانی دا بو مودا ائوینین محصولو اولان آغ-قارا بیر پالتار و دوواغا بنزر بیر باش اؤتروسو سئچمیشدی. ملانیا ترامپین واتیکاندا باشینی اؤرتمه‌سی، اما سعودییه عربیستانا باشیاچیق گئتمه‌سی ده جدی مذاکیره مؤوضوعسو اولموشدو.

بوتون بونلارا بیرینجی لیدینین مطبوعات نماینده‌سی آچیقلاما وئره‌رک دئمیشدی کی، واتیکاندا رسمی زیارتلر اوچون مناسیب بیلینن گئییمله باغلی پروتوکل قایدالارینا اویدوقلاری هادا، سعودییه عربیستاندان بئله بیر پروتوکل معلوماتی آلماییبلار. اونا گؤره ده بیرینجی لیدی عربیستان سفری زامانی سربست سئچیم حقوقون‌ندان ایستیفاده ائدیب.

تاریخ
2017.05.27 / 22:29
مولف
Axar.az
شرح لر
دیگر خبرلر

نیکول آرانی قاتدی، باتیا پوتینه زنگ ائتدی

اردوغان اسدله مسکوادا گؤروشه‌جک؟

پوتین: بونلارا قارشی بیرلیک‌ده مباریزه آپارمالیییق

ایران‌دا سئچکیلرده ساختاکارلیق ائدیلیب - پورابراهیمی

ایروان‌دا روس سرحدچیلرینه قارشی آکسییا: قبول ائدیلمزدیر!

زاهدان‌دا "بسیج" عضوو اؤلدورولدو

اودسادا یاشاییش بیناسی قصداً وورولدو - کوستین

۷۳۸-جی گون: روسییا اوکراینانین ایتکیلرینی آچیقلادی

آنکارانین حرکته کئچمه‌سینی گؤزلییریک - روبینیان

روسییا اودسانی یئنه ووردو: اؤلنلرین سایی آرتدی

خبر خطّی
Axar.az'da reklam Bağla
Reklam
Bize yazin Bağla