یاپونییا کورئیا خالق دموکراتیک رسپوبلیکاسی (کخدر) طرفیندن کئچیریله‌ن بالیستیک راکت سیناقلاری ایله علاقدار اؤز سانکسییالار پاکتینی حاضیرلاییر.

آخار. آذ خبر وئریر کی، نهک تلکانالینین یایدیغی معلوماتا گؤره، یاپونییا تهلوکه‌سیزلیک شوراسی طرفین‌دن یئنی سانکسییالارین قبولو زامانی روسییا و چینین ده دستیینه اومید ائدیر. لاکین بو ایکی اؤلکه‌نین پخنیان ایله دیالوگا اوستونلوک وئرمسی سببیندن توکیو شیمالی کورئیایا قارشی اؤز سانکسییالارینی تطبیق ائتمک قرارینا گلیب.

یاپونییا طرفدن شیمالی کورئیایا قارشی حاضردا تطبیق ائدیله‌ن سانکسییالارا اساسن ایکی اؤلکه آراسیندا بره علاقه‌سی دایاندیریلیب، بو اؤلکه‌نین گمیلرینین یاپونییا لیمانلارینا داخیل اولماسینا قاداغا قویولوب، بوتون نؤوع ایدخال و ایخراج کسیلیب. یئنی سانکسییالارین تطبیقی ایسه غیری-قانونی ایخراجین تمامیمله دایاندیریلماسینی نظرده توتور.

خصوصیله، کوتلوی قیرغین سلاحلارینین حاضرلانماسی اوچون نظرده توتولان دتاللارین شیمالی کورئیایا غیری-قانونی ایخراجینین قطعی شکیلده قارشی‌سینین آلینماسی، گمیلرده اوللر نظرده توتولان یوخلاما سیستمینه اساساً تطبیق ائدیلن سیاهییا علاوه قورغو و دتاللارین داخیل ائدیلمه‌سی ده پلانلاشدیریلیر.