مافییا ساواشلارینین حکم سوردویو لاتین آمریکاسیندا ان تهلوکلی قادین مافییا باشچیسی ماریخا لموس توتولوب. "پاترونیچا" لقب‌لی لموسون پوللو قاتیللر شبکه‌سی ایمپراتورلوغو یاراتدیغی اورتایا چیخیب.

قاینارینفو. آذ خبر وئریر کی، گواتمالا مافییاسینین تک قادین لیدری ماریخا لموس پوللو قاتیللردن یارانمیش شبکه‌نی ایداره ائدیرمیش.

قانلی "پاترونیچا" اکثریتی اؤز قوهوملاریندان اولدوغو بیلینن پوللو قاتیللردن عبارت مافییاسی ایله گواتمالادا قورخو ایمپراتورلوغو یارادیب.

پولیس یوکسک روتبه‌لی پولیس ریسی ده داخیل اولماقلا بیر چوخ قتلده لموس و بانداسینی گناهلاندیریر.

آراش‌شدیرمالار نتیجه‌سینده معلوم اولوب کی، "پاترونیچا" حیات یولداشینی اؤلدورمیی اؤز باجیسینا امر ائدیب.

اوزون مدت توتولمایان ماریخا لئموس کئچه‌ن ایلین سونون‌دا بؤیوک عملیاتلا اله کئچریلیب و محکمه قراری ایله ۹۴ ایل آزادلیقدان محروم اولونوب.

حبس خانا ایشچیلریندن بیرینی روشوتله اله آلیب پلیس گئییمی ایله ۱۱ مایدا جزا ائویندن قاچسا دا، قونشو اؤلکه ائل سالوادوردا اورتایا چیخیب.

تانینماماق اوچون ساچلارینی بویایان لموسو گواتمالا پلی‌سی یئنی‌دن حبس ائدیب.