روسییا پرزیدنتی ولادیمیر پوتین بیر نئچه گون اؤنجه وطنداشلارین سواللارینی جاوابلاندیرارکن یاییما مداخیله جهدلری قیده آلینیب. داها دوغروسو، جانلی یاییم باشلامامشدان اول ۳ اساس رادیوستانسییا - "خیت فم"، "دفم" و "ماخیموم"اون یاییم خطلرینده جدی سس دالغالاری عمله گلیب.

تلگراف. کوم-اون معلوماتینا گؤره، روسییا مطبوعاتی یاییمدا یارانان پروبلمی آراشدیریب. قید اولونور کی، اوچ رادیوستانسییا پوتینین جانلی یاییمینا جدی حاضیرلاشیبلار و تکنیکی آوادانلیقلاری یوخلاییبلار. اما سحر ساعتلاریندا باشلایاراق یاییم بیته‌نه قدر، هر ۳۰ دقیقه‌دن بیر قیده آلینان کنار سسلرین سببینی متخصصلر معین ائده بیلمه‌ییبلر.

مسکوالی اوفولوقلار باش وئرنلری یادپالنتلیلرین مداخیله‌سی حساب ائدیرلر. اونلار احتیمال ائدیر کی، جانلی یاییمدا یارانان مانعه‌لر کوسموس‌دان گؤندریله‌ن ووو سیقناللاری ایله باغلیدیر. اونلارین فیکرینجه، حتی بو سیقناللار یادپلانتلیلرین آیداکی بازاسیندان گؤندریلیر.

لاکین روسییانین کوسمیک مسله‌لر اوزره بعضی اکسپرتلری بو ورسییانی اینکار ائتدیلر. اونلارین فیکرینجه، جانلی یاییما مانع اولان بو سیقنالالر دوغرودان دا کوسموسدان گلسیدی او زامان بو سیقناللار بوتون یئر کوره‌سینی احاطه ائدردی.

قید ائدک کی، ایلک دفعه ۱۹۷۷-جی ایل آوقوستون ۱۵-ده آمریکانین اوهایو اونیورسیتتینده دوکتور جرری ایمان طرفین‌دن «بؤیوک قولاق» آدلی رادیو تئلئسکوپ واسطه‌سیله قریبه رادیوسیقنال قئی‌ده آلینیب. آلینان رادیوسیقنالی کودلاشدیردیق‌دا عالیم چوخ تعجب‌لنیر. عالیم کودلاش‌دیرما اولان ورقین اوستون‌ده ووو یازیر. بئله‌جه، پلانئته کناردان گلن ایلک رادیوسیگنالین آدی ائله ووو! اولاراق دا قالیر.