آمریکانین تنسی اشتاتینین محکمه بیناسیندا باش وئرن آتیشما زامانی حقوق-محافظه اورقانلارینین ایکی امکداشی یارالانیب.

رپورت خبر وئریر کی، بو باره‌ده اشتاتین آراشدیرمالار بوروسو معلومات یاییب.

"کوفی دایره‌سی شریفینین ایکی معاوینی محکمه بیناسیندا آتیشما زامانی یارالانیب و حاضردا خسته خانادادیرلار"، - دئیه بورو نماینده‌لری تویتر میکروبلوقون‌دا یازیبلار.

حادثه‌نی تؤرتمکده شوبهه‌لی بیلینن شخصین اؤلدویو دئییلیر.

رؤیتر خبر وئریر کی، کوفی دایره‌سی شریفینین اوفیسینین امکداشی لاکی نوتت دیندیریلمک اوچون محکمه بیناسینا گتیریلن دوستاغین شریفین معاوینلریندن بیرینین تاپانچاسینی گؤتوره‌رک آتش آچدیغینی، معاوینلردن بیرینین قارنیندان، دیگرینین ایسه الیندن یارالاندیغینی بیلدیریب.

دوستاغین داها سونرا قاچدیغی و احتیمال کی، اؤزونه آچدیغی آتش نتیجه‌سینده اؤلدویو قید اولونور.