تورکییه‌ده «آذربایجان تورکلرینین اؤندرلری» کیتابی نشر اولونوب.

کولت. آذ خبر وئریر کی، کیتاب‌دا گونئی و قوزی آذربایجان‌ندان اولان شیخ جمالددین، حسن بی زردابی، علی بی حسینزاده، احمد آغاوغلو، محمد امین رسولزاده، شیخ محمد خیابانی، سید جعفر پیشوری، محمد تقی زهتابی، جواد هئیت، ابولفضل ائلچیبی و س. کیمی تاریخی شخصیتلرین حیات و مباریزه فعالیتیندن بحث ائد‌ن مقاله‌لر درج اولونوب.

تحقیقات‌چی عالیملر طرفیندن قلمه آلینان مقاله‌لرده تاریخی شخصیتلرین حیات و فعالیتی ایله یاناشی، اثرلری و آذربایجان تاریخینه اولان تأثیرلریندن سؤز آچیلیب.

پروفسور نصیب نصیب‌لی طرفیندن توپلانان «آذربایجان تورکلرینین اؤندرلری» کیتابی آنادولو تورکجه‌سینده چاپ اولونوب.