چچنیستان‌دا رمضان کادیرووون رهبر اولماسی روسییا پرزیدنتی ولادیمیر پوتینه امکان وئردی کی، چچن محاربه‌لرینده غلبه قازانماقلا باغلی ایللوزییالاری قورویوب ساخلاسین.

آخار. آذ خبر وئریر کی، بو سؤزلر روسییالی پولیتولوگ آندری پیونتکووسکینین «آزادلیق» رادیوسونداکی مقاله‌سینده یئر آلیب.

«روسییا بو ایللوزییالارا گؤره بؤیوک بدل اؤد‌دی. بو گون هر شئی روسییانین چچنیستانین ترکیبینده یئر آلماسینی سؤیله‌مه‌یه امکان وئریر. بو گون کادیروودان بی آبیرچی شکیلده آسیلی اولماق روسییادا پوتیندن باشقا هئچ کیمین خوشونا گلمیر. بو گون یارانمیش چتین سیتواسییادان ایکی چیخیش یولو وار. یا بیز چچنیستانین ترکیبیندن چیخاجاغیق، یا دا چچنیستاندا روسییانین کونستیتوسییا نیظامینی برپا ائدجییک. چچن مسئله‌سی پوتیندن سونرا روسییانین اساس پروبلمی اولاجاق»، – دئیه او بیلدیریب.

قید ائدک کی، بیر نئچه گوندور روسییادا پولیتولوگلارین چچنیستانلا باغلی فیکیرلری تیراژلانیر. اؤتن گون «اخو مسکوا» رادیوسونا مصاحیبه‌سینده روسییالی پولیتولوگ یولییا لاتینینا روسییا ده-فاکتو چچنیستاندان آسیلی وضعیته دوشدویونو، «نؤوبتی محاربه‌نی روسییانی چچنیستاندان آزاد ائتمک اوچون آپارماق لازیم گلدیینی» بیلدیریب.

بو گون ایسه «روسکی مونیتور» پورتالینا مصاحیبه‌سینده ایسرایلدن اولان اکسپرت آورام شمولویچ چچنیستانین آرتیق روسییا اولمادیغینی، روسییانین پارچالانماسی پروسسینین بورادان باشلادیغینی قید ائدیب.