اگر تورکییه‌ده اعدام جزاسی برپا ائدیلرسه، آوروپا بیرلییینین قاپیسی بو اؤلکه‌نین اوزونه باغلاناجاق.

آخار. آذ خبر وئریر کی، بو سؤزلری آوروپا کومیسییاسینین صدری ژان کلود یونکر «بیلد آم سونتاق» قزئتینده قلمه آلدیغی مقاله‌سینده قید ائدیب.

آوروپالی دیپلمات تورکییه‌نین هله ده آوروپا اوچون بؤیوک اؤنم داشیدیغینی بیلدیریب:

«آوروپا بیرلییی قونشوسوندا ثابیتلیین، دموکراتییانین و اقتصادی بؤیومنین اولماسینی ایستییر. تورکییه‌نین آوروپا بیرلیییندن اوزاقلاشماسینی یوخ، یاخینلاشماسینی ایستییرم.آوروپا بیرلییینه قوشولان هر کس دیرلر بیرلیینه داخیل اولموش اولور».

یونکر اؤتن ایل ۱۵ ایولدا باش وئره‌ن چئوریلیش جهدی ایله باغلی یاییلان کادرلاردان درین کدر حسی کئچیردیینی ده علاوه ائدیب.