تورک و ایتالیان آرخئولوقلاردان عبارت قروپ اوزرینده گولن اینسان اوزونون ان قدیم گرافیک تصویری اولان ساخسی قاب آشکار ائدیب.

ترند-این معلوماتینا گؤره، بو باره‌ده قروپون رهبری، بولونیا اونیورسیتتینین پروفسورو نیکولو مارکتی دئییب.

او قید ائدیب کی، بو مؤسومون ان ماراقلی تاپینتی‌سی تورکییه‌نین قاضی آنتپ ویلایتینین کارکامیش شهرینده آپاریلان آرخئولوژی قازینتیلار زامانی اوزرینده "اسمایلیک" عکس اولونان سو قابینین آشکار ائدیلمه‌سی اولدو: "قابین ائرامیزدان اول ۱۷۰۰-جو ایله عایید ائدیلیر. دئملی، بیز دونیادا ان قدیم "اسمایلیک"ی تاپمیشیق. اوستانین بونو هانسی مقصدله قابین اوزرینه چکدیینی دئیه بیلمیریک".

ساخسی قاب قاضیانتئپ آرخئولوگییا موزه یینه تحویل وئریله‌جک.

قید ائدک کی، سورییا ایله سرحدده یئرلشن کارکامیش شهرینین ۵ مین ایلدن چوخ یاشی وار.