روسییا حاکمیتینین میلیتاریست قانادی آرتیق اوولکی کیمی روسییا پرزیدنتی ولادیمیر پوتینه تابع اولمور.

آخار. آذ خبر وئریر کی، بو سؤزلر روسییالی پولیتولوگ دمیتری قالکینین «آپوستروف» سایتینداکی مقاله‌سینده یئر آلیب.

اونون سؤزلرینه گؤره، کرئمل آرتیق قیسمه‌ن حرب‌چیلره نظارتینی ایتیریب:

«اساس مسئله سورییا یوخ، اوکراینادا باش وئره‌نلرله سورییادا اولانلار آراسیندا علاقه‌نین اولماسیندادیر. سون زامانلار منیم پوتینین روسییا حاکمیتینین میلیتاریست قانادینا نظارت ائتمه‌سینه اینامیم ایتیب. طرفلر آراسین‌دا آچیق قارشی‌دورما اولمایاجاق، لاکین حرب‌چیلر بون‌دان سونرا کرئملین الده ائتدیی راضیلاشمالاری یوخ ائتمه‌یه چالیشاجاقلار. بیز بونو اوکراینادا گؤردوک. مالوروسییانی یاراتماقلا زاخارچئنکو آچیق شکیلده روسییا حاکمیتینین توتدوغو خطه اعتراض ائتدی. عینی سیتواسییانی بیز سورییادا دا گؤره بیلریک».