ایسرایل پلیسی الاقصی مسجیدینین گیریشینده‌کی متال آختاران قورغولاری (دتکتورلاری) سؤکوب.

آخار. آذ خبر وئریر کی، بو باره‌ده معلوماتی مسجیدین دیرکتورو شیخ ناجی بکیرات سوسیال شبکه‌ده پایلاشیب.

او، بیلدیریب کی، قورغولار سؤکولسه ده، عوضینه تهلوکسیزلیک کامرالاری فعالیت گؤستریر. مسئله ایله باغلی ایسرایل رسمیلری هئچ بیر آچیقلاما وئرمه‌ییبلر.

قید ائدک کی، ایولون ۱۴-ده قدس‌ده الاقصی مسجدی یاخینلیغیندا فیلیسطین‌لی گنج ایسرایل پلیسلرینه هجوم ائدیب. نتیجه‌ده ۲ پلیس اؤلوب، بیر پلیس یارالانیب. ایسرایل حکومتی بو اولایدان سونرا الاقصی مسجیدینه گیریشده یئنی تهلوکسیزلیک قایدالاری تطبیق ائدیب. بو، فیلیسطینلیلرین کوتلوی اعتراضی ایله قارشیلانیب.