اؤزبکیستانین بیرینجی پرزیدنتی ایسلام کریمووون قیزی گلناره کریمووا حبس ائدیلیب.

آخار. آذ خبر وئریر کی، بو باره‌ده اینفورماسییانی اؤزبکیستان باش پروکورورلوغو یاییب. اونا قارشی جینایت مجلله‌سینین بیر نئچه ماده‌سی ایله اتهام ایر‌لی سورولوب.

پروکورورلوق آپاریلان آراشدیرمادان سونرا کریمووانین عضو اولدوغو جینایتکار قروپون ۱۲ اؤلکه‌ده آکتیولرینین موجود اولدوغونو معین ائدیب. بو اؤلکه‌لره داشکند طرفیندن همین آکتیولرین حبسی اوچون مراجعت اونوانلانیب.

قید ائدک کی، کریمووا آتاسینین ساغلیغیندا ائو دوستاقلیغینا مجبور ائدیلمیشدی. اونون الین‌دن بوتون صلاحیتلری آلینمیشدی. بیر مدت اول ایسه کریمووانین اؤلدویو باره‌ده معلوماتلار یاییلمیشدی.