هیندیستان‌دا تمیزلییین اهمیتینی اجتیمایته چاتدیرماق ایستین بیر بؤلگه پروکورورونون (دادستان) چیخیشی اؤلکه‌نی قاریشدیریب.

آخار. آذ-این وئردیی خبره گؤره، پروکورور (دادستان) کانوال تانویون مادی ایمکانی اولمادیغی اوچون ائوینه توالت تیکدیره بیلمه‌یه‌ن بیر آداما «آروادینی سات» دئمه‌سی جمعیت‌ده غضب دوغوروب.

پروکورور بیلدیریب کی، هیندیستان حکومتینین باشلادیغی «تمیز هیندیستان» کامپانییاسیندا فعال اولماق لازیمدیر. بو چیخیشی زامانی کوتله‌نین ایچیندن بیری ائوینه توالت تیک‌دیرمه‌یه پولو اولمادیغینی سؤیله‌ییب.

پروکورور ایسه دئییب: «اگر سنین منطیقین بودورسا، گئت آروادینی سات. آوانس دئییلن بیر شی وار، اینسانلار آوانس گؤتورور، سونرا او پولو فایداسیز یئرلره خرجلییر. اونون اوزینه توالت تیکدیرمک اولار. ایچکییه و سیگارته وئریلن پولا توالت تیکدیرمک مومکوندور».

سوسیال شبکه‌لرده بیرمعنالی قارشیلانمایان بو چیخیش مذاکیره‌لره سبب اولوب. پروکورور ایسه اونون فیکیرلرینی کونتکستدن چیخاریب تحریف ائتدیکلرینی سؤیله‌ییب.