تورکییه پرزیدنتی رجب طایییب اردوغان طرابزون شهرین‌ده چیخیشی زامانی ج ح پ صدری کمال کیلیچداروغلونو سرت تنقید ائدیب.

آخار. آذ خبر وئریر کی، اردوغان کیلیچداروغلونو تورکییه ایله باغلی یالان دانیشماقدا اتهام ائدیب.

«اول یوروشه چیخیرلار، سونرا بیر آلمان ژورنالینا بیانات وئریرلر کی، تورکییه‌ده عدالت، آزادلیق یوخ ایمیش. تأسفلر اولسون. آنکارادان چیخیب ایستانبولا قدر گلدین. سنین تهلوکسیزلیینی کیم قورودو؟ او یولدا یوروش زامانی نه قدر اینسانا ظلم ائلدین. تهلوکسیزلیینیزی کیم قورودو؟ البته بو دولت قورودو. حکومت سنه او ایمکانلاری وئردی. عدالت آنلاییشی حسلرله اولمور. عدالت اورک طلب ائدیر. عدالت مسئولیت طلب ائدیر. بیز بونلارلا بو یولا چیخمیشیق»، - اردوغان سرت شکیلده چیخیش ائدیب.

قید ائدک کی، ج ح پ صدری کمال کیلیچداروغلو آلمانییا مطبوعاتینا وئردیی آچیقلامادا آوروپانین دستک وئرجیی حالدا ۲۰۱۹-جو ایلده اردوغانی دئویره بیلجیینی سؤیلمیشدی.