مومکوندور کی، شیمالی کورئیانین احتیاج دویدوغو راکئت موتورلارینی هانسیسا بیر اؤلکه ایستحصال ائتسین.

آخار. آذ خبر وئریر کی، بو سؤزلری اوکراینانین راکئت موتورلاری ایستحصال ائد‌ن «یوژنوئ» شیرکتینین رهبری آلئکساندر دئقتیارئو دئییب.

«هئچ بیر امکداشیمیزین شیمالی کورئیادا راکئت موحریکی نین ایستحصالی اوچون امک صرف ائتمدیین‌دن امینم. لاکین اوکراینانین ایستحصالی اولان راکئت موتورلاری دونیادا بؤیوک ماراق کسب ائدیر. احتیمال ائدیرم کی، شیمالی کورئیادا اولان موتورلاری دیگر بیر اؤلکه ایستحصال ائتسین»، - شیرکت رهبری بیلدیریب.

قئید ائدک کی، دونن یاییلان معلوماتلاردا شیمالی کورئیادا باللیستیک راکئتلرده ایستیفاده ائدیلن موحریک لرین اوکراینا ایستحصال اولدوغو ادعا ائدیلمیشدی.