بو منیم آذربایجانا آرتیق ایکینجی سفریمدیر. ایلک دفعه من اؤلکه‌نیزده جنوبی کورئیانین خاریجی ایشلر ناظری کیمی رسمی سفرده اولدوم. بیرلشمیش میلتلر تشکیلاتینین باش کاتیبی اولدوغوم دؤورده ایسه آذربایجانلی نماینده‌لرله، خصوصاً ده پرزیدنت ایلهام علیئو و خاریجی ایشلر ناظری المار ممدیاروولا سیخ امکداشلیق ائتمیشیک. پرزیدنت علیئو بوتون سعیلرینی صلحه دسته‌یه یؤنلدیردی. من اونون ایدارچیلیک و لیدرلیک قابیلیتینه حیران اولموشام و حرمت ائدیرم.

رپورت خبر وئریر کی، بونو ۴۱-جی دونیا سکاوت کنفرانسین‌دا ایشتیراک ائتمک اوچون باکییا سفره گلمیش بیرلشمیش میلتلر تشکیلاتینین کئچمیش باش کاتیبی پان گی مون دئییب.

«بو گون آذربایجان دونیا سکاوت کنفرانسینا ائو صاحب‌لیگی ائدیر. حساب ائدیره‌م کی، بو کنفرانسدا ایشتیراک ائتمیش بوتون دونیا سکاوتلاری، آذربایجانین اینسانلیغی، صلحه و دونیادا امین-آمانلیغا یؤنلمیش جهدلرینی گؤرجکلر. بو پرینسیپلر دونیا وطنداشی اولماق ایسته‌یه‌ن سکاوتلار اوچون موتیواسییا و روح یوکسکلیگی دئمکدیر» – دئیه بیرلشمیش میلتلر تشکیلاتینین کئچمیش باش کاتیبی علاوه ائدیب.