ماهاچقالا-مسکوا ریسی ایله اوچان «پوبدا» لووکوسترینه مخصوص طیاره وولگاگراددا تعجیلی ائنیش ائتمک مجبوریتین‌ده قالیب.

ویرتوالاز. اورگ خبر وئریر کی، اکیپاژین بئله قرار قبول ائتمه‌سینه سبب اوچوش زامانی سرنیشین قادینین سیگارت چکمه‌سی اولوب.

منبع بیلدیریر کی، پلانلاشدیریلمامیش ائنیش طیاره‌نین منزیل باشینا ۴۰ دقیقه گئج چاتماسینا سبب اولوب. مجبوری ائنیشله باغلی بوتون خرجلر اوچوش قایدالارینی پوزموش سرنیشینه یؤنلدیله‌جک. بونو ایسه «پوبدا» آویاشیرکتینین مطبوعات کاتیبی یلنا سلیوانووا دئییب.

سیگارت چکن قادین رفیقه‌سی ایله بیرلیکده وولگاگراددا دوشورولوب و پلیسه تحویل وئریلیب.

قید ائدک کی، بو، سون ایکی آی عرضین‌ده «پوبدا»نین مسکوا-ماهاچقالا ریسین‌ده اوچونجو آنالوژی حالدیر.