آمریکا پرزیدنتی دونالد ترامپین تصدیقلدیی سانکسییالار آرتیق روسییایا تأثیر ائتمه‌یه باشلاییب.

آخار. آذ خبر وئریر کی، بونو اوکراینا مطبوعاتینا آچیقلاماسیندا سیاست‌چی یئوگئنی مارچوک سؤیله‌ییب. او، بو سانکسییالارین، تئزلیکله، روسییا اوچون یئنی «سورپریز»لر یاراداجاغینی بیلدیریب:

«بو قرار گلوبال دونیا سیاستینده بؤیوک دؤنوشدور. آمریکا بونون سایه‌سینده روسییانی اؤزونون قارا سیاهیسین‌دا اولان ایران و شیمالی کورئیا ایله عینی مؤقعیه قویور. آرتیق آمئریکا اؤزونون رسمی دوشمه‌نلرینی اوچه چاتدیردی.

بو سانکسییالار سایه‌سینده روسییا اوچ ایل عرضینده خاریجدن بیر سئنت بئله کرئدیت آلا بیلمه‌یه‌جک. مالییه باخیمیندان بو، چوخ جدی پروبلئمدیر. دیگر طرفدن ایسه ایت پروقراملاری دا روسییانین اوزونه قاپادیلیب. اوسته‌لیک، بو سانکسییالاردا بوتون خصوصی خیدمت اورقانلارینا تاپشیریق وئریلیر کی، روسییا اولیقارخلارینین چیرکلی پوللاری ایله باغلی هر شئی ۱۸۰ گون عرضین‌ده معینلشدیریلسین. ۱۸۰ گون نه دئمک‌دیر؟ بو، روسییاداکی نؤوبتی سئچکییه قالان مدتدیر».

قید ائدک کی، مارچوک هم ده اوکراینانین کئچمیش باش ناظریدیر. سسری دؤولت تهلوکه‌سیزلیک کمیته‌سین‌ده خیدمت ائد‌ن مارچوک بورادا گنرال روتبه‌سینه قدر یوکسلیب.