گورجوستان‌دا ناتو-نون کئچیردیی «چئویک روح ۲۰۱۷» تعلیمی آلیان‌سین بوندان اؤنجه قافقازدا کئچیردیی دیگر تعلیملره بنزییر.

آخار. آذ خبر وئریر کی، بونو مئدیایا آچیقلاماسیندا روسییالی حربی اکسپرت پاول فلگنهاوئر سؤیله‌ییب.

«گورجوستانا «آبرامس» تانکلاری گتیریلیب. بونون مقصدی گورجوستانا تانک دئسانتینین چیخاریلاجاغی تق‌دیرده اونون یئرلی شرایطه اویغونلوغونون یوخلانیلماسی‌دیر. اوسته‌لیک، ناتو اوچون اؤنملی اولان گله‌جک‌ده دؤیوش فعالیتلرینین اولاجاغی بؤلگه‌لرده مؤوجودلوغودور. حربچیلر و ظابطلر دؤیوش فعالیتلرینین اولاجاغی بؤلگه‌نین لاندشافتی، ایقلی‌می، رئلیئفینی تانیمالیدیرلار. آوروپادا بؤیوک محاربه احتیمالی سون دؤورلر آرتیب. روسییا ایله گورجوستان آراسین‌دا محاربه‌نین اولماسی احتیمالینی استثنا ائتمک اولماز. بو، عمومی آوروپا محاربه‌سینه حاضرلیق مقصدی داشیییر. روسییا باش قرارگاهینین هئساباتینا گؤره، بو محاربه ۲۰۲۵-جی ایلده باشلامالی‌دیر»، – دئیه او بیلدیریب.

قید ائدک کی، گورجوستان‌دا ناتو تعلیمی سنتیابرین ۳-ده باشلاییب. تعلیمده آذربایجان، بولغاریستان، گورجوستان، لاتوییا، رومینییا، آمریکا و اوکراینادان ۱۵۰۰ حرب‌چی ایشتیراک ائدیر.