آمریکادا حبس‌ده اولان آذربایجانلی ایش آدامی رضا ضرراب آزاد ائدیلیب.

آخار. آذ خبر وئریر کی، بو باره‌ده ت۲۴ سایتی آمریکا فدرال حبس خانا بوروسونون اینترنت سایتینا ایستینادا معلومات یاییب.

معلوماتا گؤره، رضا ضرراب ۰۹۱۳۵-۱۰۴ قیدیات نمره‌سی ایله دونن آزاد ائدیلیب.

«دئی‌لی صاباح» قزئتینین واشینقتون موخبیری راقیب سویلو ایسه وئردیی آچیقلاماسین‌دا ضررابین وکی‌لی ایله گؤروشدویونو، وکیلین آزاد ائدیلمه خبرینی یالانلادیغینی بیلدیریب و باش وئره‌نلرین تکنیکی خطا اولدوغونو دئییب.

جمهوریت خالق پارتییاسینین (جهپ) آبش تمثیلچیسی یورتر اؤزجان دا رضا ضررابین آزاد اولونماسی خبرینین دوغرو اولمادیغینی بیلدیریب.

«جنوبی نیو یورک پروکورورلوغونون سؤزچوسوندن آلدیغیم معلوماتا گؤره، ضررابین آزاد ائدیلمه‌سی خبری دوغرو دئییل»، - اوزجان تویتر صحیفه‌سین‌ده یازیب.

او، ضررابین بازار ارته‌سی نیو یورکدا محکمه‌سینین اولدوغونو دا خاطیرلادیب.