موصول موناقیشه‌سینین حلی ایله باغلی قبول ائدیلمیش قرارلار و ایمضالانمیش مقاویله‌لرین هئچ بیر حقوقی تأثیر گوجو قالماییب و حتی قالسا بئله، تورکییه‌یه کئچمیش موصول ویلایتی اوزرینده هر هانسی بیر مستثنی صلاحیت وئرمیر.

بو سؤزلری آخار. آذ-آ آنالیتیک ائلچین میرزبیلی تورکییه پرزیدنتی رجب طایییب اردوغانین رهبرلیگی ایله تهلوکه‌سیزلیک شوراسینین ایجلاسیندان سونرا قبول ائتدیی یئکون بیاناتی شرح ائدرکن دئییب. او بیلدیریب کی، تورکییه‌نین بین الخالق آنلاشمالاردان دوغان حاقلاریندان ایستیفاده ائدجیی ایله باغلی سؤزلرینین نیی ایفاده ائتدیینی سؤیله‌مک چوخ چتیندیر:

«اگر صحبت واختیله عثمانلی ایمپرییاسینین ترکیبینده اولان سلیمانییه، اربیل و موصولون داخیل اولدوغو موصول ویلایتی ایله باغلی مناقیشه‌دن و مناقیشه‌نین حلی ایله باغلی میللتلر لیقاسینین، حاآقا تریبونالینین قرارلاریندان، ائلجه ده تورکییه ایله بؤیوک بریتانییا آراسیندا ۱۹۲۶-جی ایلده ایمضالانمیش آنکارا آنلاشماسیندان گئدیرسه، بو سندلر میللتلر لیگاسی داغیلدیقدان سونرا هئچ بیر حقوقی قوه‌یه مالیک دئییل. دیگر طرفدن، ایستر میللتلر لیگاسینین موصول موناقیشه‌سی ایله باغلی ۲۹ اوکتیابر ۱۹۲۴-جو ایل و ۱۶ دئکابر ۱۹۲۵-جی ایل تاریخلی قرارلاریندا، ایسترسه ده ۱۹۲۶-جی ایلده تورکییه ایله بؤیوک بریتانییا آراسیندا ایمضالانمیش آنکارا آنلاشماسیندا «عراقین اراضی بوتؤولویونون پوزولاجاغی تقدیرده موصول ویلایتینین (موصول، کرکوک و سولیمانییه) تورکییه‌نین نظارتینه کئچجیی» ایله باغلی هئچ بیر مدعا یوخدور. بو، موصول موناقیشه‌سینین حلی ایله باغلی قبول اولونموش سندلرده یئر آلان حقوقی پروسدورلاردان داها چوخ اؤز آرزولارینی ایفاده ائد‌ن بعضی تاریخچیلرین اویدورماسیدیر. دوغروسونو دئییم، آرتیق خیلی مدتدیر کی، مسئله ایله باغلی هم تورکییه‌لی، هم ده آذربایجانلی اکسپرتلرین آچیقلامالارینی، شرحلرینی اوخویور و دینلییرم. آداملار مطبوعاتدان، سوسیال شبکه‌لردن اوخودوقلاری معلوماتلاری، یاخود دانیشاندا تاریخی حقیقتلردن داها چوخ گؤز یاشی آخیدان بعضی تاریخچیلرین اموسیونال ملاحظه‌لرینی گونوموزده مؤوجود اولان گئوسییاسی پروبلمین حلینده «آچار» کیمی تقدیم ائدیرلر. همیشه دوشونوره‌م، تاریخی منبع‌لرین، معلوماتلارین بو قدر الچاتان اولدوغو بیر زاماندا، گؤرسن، بو آداملارین عقللارینا گلمیر کی، موصول موناقیشه‌سینین حلی ایله باغلی سندلری آچیب اوخوسونلار؟»

آنالیتیک قید ائدیب کی، ۵ ایون ۱۹۲۶-جی ایلده تورکییه ایله بؤیوک بریتانییا آراسیندا ایمضالانمیش آنکارا آنلاشماسینا اساساً موصول موناقیشه‌سینه سون قویولوب:

«تورکییه بعضی کورکته‌لرله میللتلر لیگاسینین و حاآقا تریبونالینین سرحدلرین معینلشدیریلمه‌سی ایله باغلی داها اؤنجه تقدیم ائتدیی «بروکسل خطی»نی تانیییب. بونون قارشیلیغیندا ایسه ۲۰ ایل عرضینده موصول نفتیندن ۱۰% گلیر الده ائتمه‌یه راضیلاشیب. اونو دا قید ائدیم کی، عراق و موصول اوزرینده مانداتی بؤیوک بریتانییایا میللتلر لیگاسی وئرمیشدی. میللتلر لیگاسی ۱۹۴۶-جی ایلده عمرونو باشا ووروب. ایندیکی عراق اوزرینده بؤیوک بریتانییانین هر هانسی بیر مانداتی یوخدور. عراق بیرلشمیش میللتلر تشکیلاتینین ۲۱ دکابر ۱۹۴۵-جی ایلدن برابرحقوقلو عضوودور. عراق بیرلشمیش میللتلر تشکیلاتینا داخیل اولاندا کراللیق ایدی. ۱۹۵۸-جی ایلده کرال دئوریلدی و عراق رسپوبلیکا اعلان اولوندو. قید ائدیم کی، هر ایکی حالدا عراق اونیتارلیغینی قورویوب ساخلاییب. بیرلشمیش میللتلر تشکیلاتی ایندیکی کورد موختاریتی ده داخیل اولماقلا عضو اولوب و بیرلشمیش میللتلر تشکیلاتینین نیظامنامه‌سی عراقین اراضی بوتؤولویونه تأمینات وئریر. تورکییه تهلوکه‌سیزلیک شوراسینین بیاناتیندا یئر آلان «بین الخالق آنلاشمالار»لا باغلی ایفاده‌لر بیرلشمیش میللتلر تشکیلاتی نیظانمانه‌سینی، هلسینکی یکون آکتینی و دؤولتلرین اراضی بوتؤولویونه، سرحدلرینین توخونولمازلیغینا تأمینات وئرن دیگر سندلری احاطه ائدیر».

میرزابیلی وورغولاییب کی، موصول مناقیشه‌سینین حلی ایله باغلی قبول ائدیلمیش قرارلار و ایمضالانمیش مقاویله‌لر نه تورکییه‌یه، نه ده هر هانسی بیر دؤولته بو اراضی اوزرینده نظارت حقوقو وئریر:

«تورکییه ایسه بیرلشمیش میللتلر تشکیلاتینین عضوو، رگیونون گوجلو دؤولتلریندن بیری کیمی عراقین اراضی بوتؤولویونون پوزولماسینا قارشی چیخیش ائده، موصول، سلیمانییه و کرکوکده یاشایان تورک اهالیسینین تهلوکسیزلیینین قورونماسی اوچون مووافیق آددیملار آتا بیلر. تورکییه‌نین بو آددیملاری شوبهه‌سیز کی، بین الخالق حقوقون پرینسیپلرینه اویغون اولاجاق. اما بونون اوچون موصول موناقیشه‌سینین حلی ایله باغلی قبول ائدیلمیش قرارلارا و ایمضالانمیش آنلاشمالارا ایستیناد ائتمه‌یه احتیاج یوخدور. چونکی بو سندلرین هئچ بیر حقوقی تأثیر گوجو قالماییب و حتی قالسا بئله، تورکییه‌یه کئچمیش موصول ویلایتی اوزرینده هر هانسی بیر موستثنی صلاحیت وئرمیر».

قید ائدک کی، دونن تورکییه‌ده پرزیدنت اردوغانین رهبرلیگی ایله تهلوکسیزلیک شوراسینین ایجلاسیندا یئکون بیانات قبول ائدیلیب. بیاناتدا عراق کورد مختاریتینده کئچیریلجک مستقیللیک رفرندومونون غیری-قانونی اولماسی و رسمی آنکارانین بین الخالق کونونسییالاردان ایر‌لی گلن حقوقلاریندان ایستیفاده ائدجیی بیلدیریلیب.