دونباسدا صولحمراملیلارین یئرلشدیریلمه‌سی مسئله‌سینی اوکراینا حل ائتمیر.

آخار. آذ خبر وئریر کی، بونو «آپوستروف» سایتینا موصاحیبه‌سینده اوکراینا میللتچیلرینین لیدری میلت وکیلی دمیتری یاروش سؤیله‌ییب.

«بو مسئله نی بیزیم یئریمیزه فرانسا، آلمانییا، روسییا حل ائدیر. حتی بلاروس بئله بو ایشده بیزدن اوستوندور. ان آزیندان لوکاشنکو مینسکده دانیشیقلار اوچون یئر آییریب.

آمریکالی سناتور بیر مدت اؤنجه تمامیله دوغرو ایفاده سسلندیردی. او دئدی کی، محاربه‌نی صولحمراملیلاری بورایا گتیرمکله یوخ، بورادان روس قوشونلارینی چیخارماقلا بیتیرمک اولار. بو، حقیقتا مسئله نی حل ائدردی»، – دئیه او بیلدیریب.

یاروش دونباس‌داکی مناقشه نین دوندورولماماسی گرکدیینی وورغولاییب:

«مناقشه نی دوندورماق لازیم دئییل. پوستسوویت مکانینداکی مناقشه لرین هامیسی – قاراباغ، دنستریانی، جنوبی اوستییا، آبخازییا – روسییا سئناریسی ایله باش توتوب. بونلار هر زامان روسییانین خیرینه باشا چاتیب. بو مناقشه لر همچینین گئرچکلشدیکلری اؤلکه‌لرین ایستابیللیینی پوزوب. اگر بیز ارمنیستان و آذربایجان آراسینداکی مناقشه دن دانیشیریقسا، او زامان نظره آلمالیییق کی، بورادا آتشکس هر گون پوزولور. اوسته‌لیک، بو مناقشه نئچه ایلدیر داوام ائدیر.

دنستریانینا نظر یتیرین. روسییا بورادان اؤز «صولحمرام‌لیلاری»نی، اصلینده ایسه ایشغالچی کونتینگنتینی چیخارماق ایستمیر».