ماجاریستان-سربییا سرحدینده پولیسدن قاچماغا چالیشان قوجاغیندا اوشاق اولان میقرانتی یئره ییخان ماجار اوپراتور پترا لاسزلونون جزاسی تصدیقلنیب.

آخار. آذ خبر وئریر کی، لاسزلونون ۳ ایللیک حبس جزاسی قوه‌یه مینیب.

سزگد بؤلگه محکمه‌سینده سؤزوگدن اینسیدنتله باغلی کئچیریلن ایجلاسدا سورییالی قاچقینلاری مدافعه ائد‌ن هئلسینک کومیسییاسینین وکیلی متهیم لاسزلونون زوراکیلیغا ال آتماق و جینایته تشببوس ائتمه‌سیندن دولایی جزالاندیریلماسینی محکمه‌دن ایسته‌ییب.

حاکم آندراس سزابو متهیم لاسزلویا وئریلن ۳ ایللیک حبس جزاسینین تصدیقلندیینی بیان ائدیب.

خاطیرلاداق کی، ۲۰۱۵-جی ایلین سنتیابر آیین‌دا ماجاریستان-سربییا سرحدینده‌کی رؤسزکی قصبه‌سینده خیدمت ائد‌ن قادین اوپراتور پترا لاسزلو پولیسلردن قاچماغا چالیشان میقرانتا تپیک آتماقلا اونو یئره ییخمیشدی. حادثه‌دن درحال سونرا اوپراتورون ایشینه سون وئریلیب، حاقیندا جینایت ایشی آچیلمیشدی.