روسییا سورییا مناقشه سینه گیردیکدن سونرا وطنداش محاربه‌سینین گئدیشینی دییشیب.

آخار. آذ خبر وئریر کی، بو ادعا ایله «ایستراتفور» شیرکتی چیخیش ائدیب. شیرکت روسییانین حاضردا سورییاداکی دؤیوش میدانینی ترک ائتمک اوچون یوللار آختاردیغینی بیلدیریب:

«موسکوا سورییا مناقشه سینده ایلیشیب قالماق ایستمیر، اما او هم ده بورادا الده ائتدیی اوغورلاردان دا ایمتینا ائتمک نیتینده دئییل. بونون اوچون موسکوا آکتیو شکیلده ایرانلی و سورییالی متفیقلریندن ایستیفاده ائد‌رک «پارچالا - حؤکم ائت» ایستراتگییاسیندان یارارلانیر. اولجه او، سورییا حکومتینه قارشی تضییق اولان پارتیزانلارا و اونلارین هامیلرینه دسکالاسییا زونالاری یاراتماقلا اساس ساواش فعالیتلرینین اولدوغو بؤلگه‌لرده‌کی محاربه‌نی دوندوراجاق. نیترال زونالارین یارانماسیندان سونرا روسییا الده ائتدیی قوه‌لر واسطه‌سیله ایشید-له ساواشاجاق. بو ایستراتگییا ایندییه قدر روسییا و اطرافینا بوتون دقتینی غربده موخالیفلردن شرقده ایشید-ه قارشی یؤنلتمه‌یه یاردیم ائدیب. موسکوا آنلاییر کی، سورییادا هدفلرینه چاتماغی گؤزلدییندن داها چتین اولاجاق. دسکالاسییا زونالاریندا آتشکه‌سه پراکتیک اولاراق عمل ائدیلمیر. بورادا موستقیل قروپلار خاریجی تضییقلره تابع اولماق ایستمیرلر. روسییانین متفیقی اولان سورییا و ایران دا اونون پلانلارینین رئاللاشدیریلماسینا ایمکان وئرمیرلر. ایران و سورییا حکومتلری موسکوانین ایستراتگییاسینین منطیقینی آنلاییرلار. اونلار بو اراضیلره ادعالارینی گیزلتمیر و اونو مخالیفته وئرمک ایستمیرلر. تهران و دمشق اوچون بو ساواش موسکوادان فرقلی اولاراق جدیدیر و اوزون موددتلی‌دیر. اونلار تام قلبه‌یه قدر ساواشاجاقلار.

روسییانین ایشینی چتینلشدیرن داها بیر مقام سورییا عملیاتلارینین روسییالیلار آراسیندا پوپولیارلیغینی ایتیرمه‌سیدیر. بو محاربه‌نی روسلارین جمعی اوچده بیری دستکلییر».