روسییا دوماسینین کئچمیش میلت وکیلی دئنیس ووروننکووون اؤلومو ایله باغلی سیفاریشی اونون حیات یولداشی مارییا ماکساکووانین وطنداش نیکاهیندا یاشادیغی کئچمیش اری ولادیمیر تیورین وئریب.

آخار. آذ خبر وئریر کی، بونو ژورنالیستلره آچیقلاماسیندا اوکراینا باش پروکورورو یوری لوچئنکو سؤیله‌ییب. لوچئنکو تیورینین روسییا فدرال تهلوکه‌سیزلیک خیدمتینین نظارتینده اولان کریمینال آوتوریتت اولدوغونو بیلدیریب.

قئید ائدک کی، روسییا دوماسینین کئچمیش میلت وکیلی دئنیس ووروننکوو مارتین ۲۳-ده کیئوده قتله یئتیریلیب. او، ۲۰۱۶-جی ایلده روسییادان اوکراینایا قاچمیشدی. کومونیست پارتییاسیندان اولان میلت وکیلی روسییا بین الخالق آختاریشا وئرمیشدی.

ولادیمیر تیورین ایسپانییا روس مافییاسینین اساس لیدرلریندن بیری ساییلیر. اونا قانونی اوغرو ایستاتوسو روس مافییاسینین کئچمیش لیدری ویاچئسلاو ایوانکوو (یاپونچیک – رئد.) طرفیندن وئریلیب. تیورین روس مافییاسینین دیگر مرحوم لیدری آسلان اوسویانین (دئد خاصان – رد.) ان یاخین آداملاریندان ساییلیب.