روسییا-ارمنیستان واحید اوردو قروپلاشماسی موسکوانین جنوبی قافقازدا اؤز اؤنملی رولونو گؤسترمک اوچون تشکیل ائتدیی پیار آکسییاسیدیر.

آخار. آذ خبر وئریر کی، بو سؤزلری «حاقین. آذ» سایتینا آچیقلاماسیندا روسییالی پولیتولوگ لیونید رادزیخووسکی سؤیله‌ییب. اونون سؤزلرینه گؤره، بو راضیلاشمانین آدیندان باشقا هئچ نیی یوخدور:

«مسئله اوندادیر کی، روسییانین واحید اوردو قروپلاشماسینین مودرنیزاسییاسی و گئنیشله‌نمه‌سی اوچون وسایتی یوخدور. نفت، سانکسییالار، سورییاداکی باهالی حربی عملیاتلار روسییانین مالییه ایمکانلارینی جدی شکیلده محدودلاشدیریب. اوسته‌لیک، پرزیدنت سئچکیسی یاخینلاشیر و کرمل هانسیسا پوپولیست قرار قبول ائتمه‌لیدیر. بو سیرایا تقاعدلرین، امک حاقینین آرتیریلماسی و س. داخیل ائدیله بیلر. بوتون بونلار خرج طلب ائدیر. موسکوا ارمنیستانلا یئنی واحید اوردوسونو تعمین ائتمک اوچون پوللاری هارادان آلاجاق؟ موسکوادا اومید ائدیرلر کی، ارمنیستانا تضییق ائد‌جکلر و ایروان دا پوللارینی بورایا یاتیراجاق، اما حاضردا ارمنیستانین اؤزونون اینوستیسییالارا احتیاجی وار. کرمل ساده‌جه گؤسترمک ایستییر کی، جنوبی قافقازدا اؤنملی رول اویناییر».