ترامپ سسلندیردیی بیاناتلاریندا دئییر کی، بو راضیلاشما، آمئریکانین بو گونه قدر ایمضالادیغی ان پیس سازیشدیر. بو ایسه همین سازیشین اوغورلو اولماسیندان خبر وئریر.

آخار. آذ خبر وئریر کی، بو سؤزلری ایران پارلامنتی صدرینین معاوینی مسعود پزشکییان آمئریکا پرزیدنتی دونالد ترامپین نووه سازیشی حاقدا سسلندیردیی بیاناتلارلا باغلی دئییب.

«بو اونو گؤستریر کی، سازیشین نایلیتلری آمئریکا پرزیدنتینی سارسیدیب، عصبیلشدیریب. بو هم ده او دئمکدیر کی، بیزیم پارلامنت و دیپلوماتلاریمیز نووه سازیشی ایله باغلی دوزگون قرار وئریبلر. شوبهه یوخدور کی، اگر آمئریکا نووه سازیشیندن چیخسا و یا بو باره‌ده هر هانسی بیر قرار قبول ائتسه، بین الخالق قوروملار طرفیندن تجرید اولوناجاق. نووه راضیلاشماسی بیزیمله غرب آراسیندا ایمضالانمیش رسمی سازیشدیر. لاکین آمئریکا طرفی عصبی و ناراحات اولدوقلاری اوچون اویونون قایدالارینی پوزماغا چالیشیرلار»، - مسعود پزشکییان بیلدیریب.

قئید ائدک کی، آمئریکا پرزیدنتی هر ۹۰ گوندن بیر، ایرانین نووه سازیشینه صادق قالیب-قالماماسی و اونون بو راضیلاشمانین شرطلرینه عمل ائدیب-ائتمه‌مه‌سی باره‌ده آمئریکا کونگره سینه حسابات تقدیم ائتمه‌لیدیر. بعضی آمئریکا رسمیلرینین بیلدیردیینه گؤره، ترامپ ایرانلا ایمضالانمیش نووه سازیشی ایله باغلی مؤوقعیینی و اؤلکه‌سینین بو سازیشده قالیب-قالمایاجاغینی اوکتیابرین ۱۲-ده آچیقلایاجاق.